TWINKLE 彩 頸 巾

原來有條頸巾仲未埋「NOUN」，

快手織埋佢黎用先　

HEART 型 頭 飾

等我o的頭髮再長多多，就可以用佢夾夾喇　

WHY 塗 香 水

到目前為止，

可以買到又鍾意佢o個種唔係香水，

卻有爽身粉味o既香水  

就係呢支　  

  鍾意噴香水，當然鍾意人家塗香水，

女人塗香水，好平常，

男人塗古龍水，如果o的味好聞，

一個唔型o既人都會即刻型左　  

  自己塗香水，其實自己未必聞到，

不過當有人在我身邊行過，

同我講：「你o的香水幾香喎」  

自己揀o既香水味比人讚，緊係開心啦　  

不過，最近有人話，我可能噴多左香水，

令佢係咁打乞痴　  

之後就有人笑住講：「塗香水係比男人聞家o麻．．．」

喂，似乎有o的過份咁喎　！！！！！  

  佢可能就係，但我絕對絕對絕對絕對絕對

．．．．唔係！！！

唔好講到我好似發男人寒咁啦，唔該！　  

跳 跳 小 TIGGER

打算去買野食，路過精品店，企o係門口望吓遮  

比我望到佢！  

入去問吓幾多銀兩啦，

點知個店員o係飾櫃扐出黎比我睇    

既然扐左，咪摸吓o羅。  

　　

嘩．．．！　好軟熟呀！  

幾多錢先？  

　

嘩．．．！　低過我開比佢個心底價呀！  

兩位數價錢，抵．．．呀！　

買．．．．．．．呀！  

手 剢 PIG 肉

亞銀話最憎剢豬肉，扁咀鴨話一人剢吓囉，

把刀最後交比我。 

乾魷魚剢豬肉，好味好味，送飯一流！ 

夜 空 半 MOON

點解個月亮上面有豆皮架呢　

BALL 子 汽 水

見唔見到粒波子  

佢要由樽口，用個樽蓋頂佢落黎呢個位置，

跟住冇乜野做  

好做o既，咪就係飲左裡面o的野o羅，

有乜特別好玩呢   

酸 甜 辣 VEGETABLE

呢款酸菜係紅女先整再請我食跟住教我點攪o既　　

我鍾意食呀　

我整左第一份版比人試，傳聞話唔錯唔錯　

第二次再整黎比人試，又多四個人話唔錯唔錯　

剩番o的再醃多幾日比番自己食又請o的o的比胡楓食，

佢都話唔錯唔錯

材料：波型椰菜一個、指天椒數隻、幼沙糖半碗、

            米醋一碗

做法：椰菜切段，洗淨，落一至兩茶匙鹽，菜與鹽混合，

            置於「筲箕」內，放置一小時，或者有水出，

            倒去水後，將菜放落另一大湯碗內，

  

　        放下半碗幼沙糖，再放埋一碗米醋、

            指天椒與菜攪拌混合起來。

　        之後用保鮮紙封起，放到雪櫃中格，

            每一朝早或夜，拿出來再攪一攪成盆菜，

            等上面的菜都沾到米醋，再放回入雪櫃。

　        如是者，三天後基本可以吃，

            如六天後才吃，更入味。

STAR 月 奇 緣

呢個組合，第一次見  

好得意喎！

原先落巴士時見到佢地都好白雪雪架，

番到屋企已經變變地色LOO  

月亮就肯定係架啦，o個兩粒唔會唔係星星卦  

( 補充：左邊「金星」，右邊「木星」)

LOST 包 驚 雲

嚇史我喇 ！！！  

正打算晏晝出去攪o的野， 打開個大袋，

搵唔到個銀包喎！  

番袋倒裡，扐晒所有野出黎， 都唔見，去左邊呀？

史喇，史喇.．．  

重複再摷，冇呀冇呀，史喇史喇．．．好驚呀！  

  即刻想.．．．：除左錢，仲有銀行卡，

呢o的卡o個o的卡，

象徵我個人身份o既 I.D.CARD，冇晒．．．．．

好大劑喎  

補領番張身份証，要幾耐呢？  

係咪在巴士唔見架呢，今朝我DOO完DOO DOO，

唔通放唔穩？

即打去九巴啦  

點知九搭八，三九搭去七，

最後要我留低電話．．  

唔係喎，又好似唔係留左o係巴士喎，

落左車，我仲去左晨早飯堂買左想食都冇o既炸兩變米粉，

同埋一碗搵絲瘦肉，搵舊皮蛋都冇o既, 

仲要加一殼白粥o既   

唔通漏左o係o個到？  

另一可能，係搭LIFT時，

比後面o既LIFT客撻左我個銀包喇，

即打去管理處，但冇有人交過乜野去，

唯有留低電話同埋我個小名啦。  

點呢點算呢．．．咦椅．．．

要打去報失有信用o既銀行卡先．．．

好快有人接聽，即話佢知我的資料  

正當職員要驗明我正身的時候，  

我想起o的野，我出街要做乜呢？　

我要做呢做路．．．．．  

我醒起喇，今朝我番到事務所，即準備中午時份o既包袱，

二話不說，即刻收線，去搵番我個包袱仔出黎先．．．．

我搵番佢喇！　虛驚左幾個字。